[English Version]

On Wednesday, January​ 17, 2024, Mr. Sopheakmonkol Sok, the Chairman and co-founder of Codingate Technology Co., Ltd​,​ had the privilege to deliver an inspiring talk at the InnoTech Connect: “2024 Internship Exploration” initiated at the Institute of Technology Cambodia. His words resonated with the students, sparking their enthusiasm for technology and motivating them to pursue careers in this dynamic industry. This is particularly significant considering that Codingate Technology Co., Ltd has recently begun offering opportunities for young individuals to join their team, acquire knowledge, and develop professionally.

During his talk, Mr. Sopheakmonkol emphasized the importance of mentorship in shaping the future of technology. He shared his own experiences of being mentored by industry experts and how it played a pivotal role in his success. He also highlighted that mentorship not only provides guidance and support but also helps individuals navigate the challenges and complexities of the tech industry. By sharing their knowledge and experiences, mentors can inspire and empower the next generation of tech leaders, enabling them to reach their full potential.

Moreover, Mr. Sopheakmonkol also highlighted the importance of innovation and urged students to think out of the box creatively and push the boundaries of technology. He provided examples of groundbreaking innovations, including GateMaster.ai, powered by Codingate Technology Co., Ltd, which have revolutionized the business industry by incorporating artificial intelligence and blockchain technology to operate and work way better in all sizes of all businesses.

In his closing remarks, Mr. Sopheakmonkol encouraged students to adopt a mindset of continuous learning and experimentation, as it is through innovation that they can truly make a difference in the tech world ​because innovation thrives when different perspectives and backgrounds are brought together as well as embracing diversity and actively seek out opportunities to collaborate with individuals from diverse backgrounds. Consequently, Codingate Technology expressed a steadfast dedication to consistently providing employment and internship opportunities to students.

[Khmer Version]

នារសៀលថ្ងៃពុធ ទី​១៧ ខែមករា ឆ្នាំ ២០២៤​ លោក សុខ សុភមង្គល​ នាយកប្រតិបត្តិ និងសហស្ថាបនិកក្រុមហ៊ុន Codingate Technology Co., Ltd មានក្ដីសោមនស្សរីករាយក្នុងការចូលរួមចែករំលែក ទស្សនៈ និងបទពិសោធន៍របស់លោក ក្នុងកិច្ចពិភាក្សា InnoTech Conncect: “2024 Internship exploration” ដែលត្រូវបានប្រព្រឹត្តឡើងនៅ​ វិទ្យាស្ថាន បច្ចេកវិទ្យា កម្ពុជា។ វត្តមានរបស់លោកចំពោះ កម្មវិធីនេះដែរ មានគោលបំណង ជម្រុញទឹកចិត្ត និងបង្កើនការយល់ដឹងរបស់ សិស្សនិស្សិតដែលមានឆន្ទៈក្នុងវិស័យបច្ចេកវិទ្យានេះ ឲ្យមានសេចក្ដីក្លាហាន មោះមុត ក្នុងការចាប់យកក្ដីស្រមៃនៃការងារ និងផែនការជីវិតដែលខ្លួនប៉ងទុក តាមរយៈការចេញអនុវត្តជំនាញដោយផ្ទាល់នៅក្នុងក្រុមហ៊ុនបច្ចេកវិទ្យាណាមួយ ដែលស្របពេលថ្មីនេះៗដែរ ក្រុមហ៊ុន Codingate Technology Co., Ltd ក៏បាននឹងកំពុងផ្ដល់ឱកាសការងារហាត់ការទៅលើផ្នែកជាច្រើនសម្រាប់និសិ្សតទាំងអស់​ ជាមាគ៌ាឈានទៅរក ការអភិវឌ្ឍន៍ចំណេះ និងជំនាញរបស់ខ្លួនឱ្យកាន់តែមានសក្ដានុពលឡើង។

ក្នុងដំណើរការនៃកម្មវិធីនេះ លោក សុភមង្គល បានធ្វើបទបរិយាយយ៉ាងក្បោះក្បាយ អំពី សារៈប្រយោជន៍សំខាន់ៗ នៃការបណ្ដុះបណ្ដាលចំណេះដឹងផ្សេងៗ អំពីបច្ចេកវិទ្យា​ នៅក្នុងស្ថាប័នឯកជន ដែលកត្តានេះពិតជាមានឥទ្ធិពល ទៅលើការសម្រួចកិត្យានុភាពរបស់វិស័យនេះ ឱ្យឆ្ពោះទៅរកវឌ្ឍនភាពកាន់តែខ្លាំងក្លាឡើងៗ ហើយលោក ក៏បានបន្ថែមផងដែរថា ការបង្វឹកការងារនៅក្នុងក្រុមហ៊ុនទាំងអស់មិនត្រឹមតែផ្ដល់ ឲ្យបុគ្គលិកនូវ បទពិសោធន៍ក្នុងការចេះចាំពីរបៀបនៃការបំពេញកិច្ចការក្នុងផ្នែកជាក់លាក់តែមួយប៉ុណ្ណោះទេ ដោយឡែក វាក៏ជាមេរៀនជីវិតដ៏សំខាន់មួយផ្នែកធំ ដែលនិស្សិតហាត់ការអាច ក្រេបជញ្ជក់ចំណេះដឹងដ៏មានតម្លៃរបស់បំណិនជីវិតយ៉ាងស៊ីជម្រៅថែមទៀត ដោយការជួបប្រទះនូវឧបសគ្គផ្សេងៗលើគ្រប់កាលៈទេសៈ​តាមភាពជាក់ស្ដែង ដែលនេះអាចហ្វឹកហាត់ជំនាញក្នុងការដោះស្រាយបញ្ហាបានយ៉ាងរលូន ក៏ដូចជាបង្កើននូវស្មារតីរឹងមាំដើម្បីកសាងខ្លួនឱក្លាយជាធនធានជំនាន់ក្រោយប្រកបដោយឧត្តមភាពខ្ពស់។

លោក សុភមង្គល ក៏បានគូសបញ្ជាក់អំពី គុណតម្លៃចម្បងៗបន្ថែមទៀត ទៅលើការបង្កើតថ្មី ដែលបង្កប់នូវភាពច្នៃប្រឌិតខ្ពស់ក្នុងវិស័យបច្ចកវិទ្យា ដើម្បីបំផុសគំនិតទៅកាន់សិស្សនិស្សិត ក្នុងការបន្តនាំយកនូវ ផលប្រយោជន៍វិជ្ជមានដែលមនុស្សជាតិអាច ច្នៃ និងទាញចេញពីពិភពឌីជីថលជាអតិបរមា ហើយភាពច្នៃប្រឌិតវិជ្ជមាននៃបច្ចេកវិទ្យា នឹងកើតមានឡើងនៅពេលដែល ទស្សនៈផ្សេងៗច្រើនសណ្ឋាន សមត្ថភាព និងទេពកោសល្យត្រូវបានរួមបញ្ចូលគ្នា។​​ ក្នុងនោះផងដែរ លោកក៏បាន លើកយកនូវ​ដំណោះស្រាយបច្ចេកវិទ្យា ២ ធំៗ ដែលត្រូវបានបង្កើតឡើងដោយ Codingate Technology Co., Ltd ផ្ទាល់តែម្ដង រួមមាន GateMaster.ai និង GateCommerce  មកលើកជាគំរូជាក់ស្ដែង ដើម្បីបកស្រាយអំពីគុណប្រយោជន៍របស់សមិទ្ធផលក្នុងបែបផែនឌីជីលនេះ ផ្ដល់ជូនទៅកាន់ម្ចាស់អាជីវកម្ម និងសហគ្រាសគ្រប់ជាន់ថ្នាក់ តាមរយៈការបំពាក់ ប្រព័ន្ធបញ្ញាសុប្បនិម្មិត ជាជំនួយការក្នុងបរិបទការងារ ក៏ដូចជា ប្រើប្រាស់បច្ចេកវិទ្យាទំនើប សម្រាប់ការលក់ទំនិញអនឡាញឱ្យមានប្រសិទ្ធភាពទ្វេរដងជាដើម ដែលទាំងនេះ សុទ្ធសឹងជា គុណសម្បត្តិដ៏អស្ចារ្យ នៅពេលដែលយើងអាចកែច្នៃ បច្ចេកវិទ្យា សម្រាប់ប្រើប្រាស់តាមតម្រូវការដែលយើងចង់បានគ្រប់ទម្រង់។

ជាចុងក្រោយ លោក សុភមង្គល នៅតែព្យាយាមលើកទៅចិត្តដល់ សិស្សនិស្សិតទាំងអស់ ឱ្យមានផ្នត់គំនិត នៃការបន្តការសិក្សារៀនសូត្រដោយគ្មានទីបញ្ចប់ ស្របពេលនៃការយកចំណេះដឹងដែលខ្លួនមានទៅអនុវត្តក្នុងបរិបទជាក់ស្ដែងផងដែរ ដូច្នេះហើយ ទើបក្រុមហ៊ុន Codingate Technology Co., Ltdបន្តផ្ដល់ឱកាសការងារទៅកាន់សិស្សនិស្សិតនៃវិទ្យាស្ថានបច្ចេកវិទ្យាកម្ពុជា ដើម្បីជាផ្នែកមួយជម្រុញសសរទ្រូងជំនាន់ក្រោយដុះខាត់នូវសមត្ថភាពរបស់ខ្លួន ដោយហេតុថា ភាពប៉ិនប្រសប់នៃមុខជំនាញដែលយើងមាន​នឹងរីកលូតលាស់ឥតឈប់ឈរ រហូតដល់ពេលវេលាដែលយើងមានសក្ដានុពលគ្រប់គ្រាន់សម្រាប់ការបង្កើតនូវដំណោះស្រាយឌីជីថលដ៏ទំនើប សម្បូរបែប នៅក្នុងពិភពបច្ចេកវិទ្យានាពេលបច្ចុប្បន្ននេះ។